subh-dam raqs karte parindon ke sar par thirakti hawa

sub.h-dam raqs karte parindoñ ke sar par thiraktī havā

raat bhar jalte bujhte diye kī thakan ho ga.ī lāpata

'ain-mumkin hai apnā tasavvur usī vaqt dam toḌ de

'ain-mumkin hai muñh tākne ke liye mil sake aa.ina

bulb se munsalik ho chuke haiñ sabhī raushnī ke liye

kis ko hai āj-kal fikr-e-bāb-e-sahar band hai yā khulā

ek shai Dūbtī tairtī mujh ko āvāz detī rahī

maiñ kināre kināre nadī ke 'abas bhāgtā rah gayā

ham ki nazreñ jhukā.e qadam par qadam aage rakhte rahe

jaane kis yaas meñ kuchh nahīñ keh sake ḳhair kahte bhī kyā

subh-dam raqs karte parindon ke sar par thirakti hawa

raat bhar jalte bujhte diye ki thakan ho gai lapata

'ain-mumkin hai apna tasawwur usi waqt dam toD de

'ain-mumkin hai munh takne ke liye mil sake aaina

bulb se munsalik ho chuke hain sabhi raushni ke liye

kis ko hai aaj-kal fikr-e-bab-e-sahar band hai ya khula

ek shai Dubti tairti mujh ko aawaz deti rahi

main kinare kinare nadi ke 'abas bhagta rah gaya

hum ki nazren jhukae qadam par qadam aage rakhte rahe

jaane kis yas mein kuchh nahin keh sake KHair kahte bhi kya