sach to ye hai ki ab nahin hun main

sach to ye hai ki ab nahīñ huuñ maiñ

tum bhī phir kyā ho jab nahīñ huuñ maiñ

har taraf maiñ hī maiñ huuñ is ghar maiñ

tum yahāñ kab the kab nahīñ huuñ maiñ

maiñ bhī ik sānahe kā hissa thā

dosto be-adab nahīñ huuñ maiñ

ab ḳharāboñ meñ DhūñDtā huuñ tujhe

zindagānī 'ajab nahīñ huuñ maiñ

maiñ jahāñ huuñ vahāñ nahīñ ho tum

māntā huuñ ki rab nahīñ huuñ maiñ

harf-e-be-mā’nī-o-vujūd sahī

nukta-e-zer-e-lab nahīñ huuñ maiñ

kyuuñ mujhe zauq-e-'ishq baḳhshā thā

jab tumhārī talab nahīñ huuñ maiñ

kitne ḳhvāboñ kā huuñ amiiñ 'az.har'

ġham meñ Duubī sī shab nahīñ huuñ maiñ

sach to ye hai ki ab nahin hun main

tum bhi phir kya ho jab nahin hun main

har taraf main hi main hun is ghar main

tum yahan kab the kab nahin hun main

main bhi ek sanahe ka hissa tha

dosto be-adab nahin hun main

ab KHarabon mein DhunDta hun tujhe

zindagani 'ajab nahin hun main

main jahan hun wahan nahin ho tum

manta hun ki rab nahin hun main

harf-e-be-ma’ni-o-wujud sahi

nukta-e-zer-e-lab nahin hun main

kyun mujhe zauq-e-'ishq baKHsha tha

jab tumhaari talab nahin hun main

kitne KHwabon ka hun amin 'azhar'

gham mein Dubi si shab nahin hun main