la-hasili mein ho gham-e-hasti se kya faragh
lā-hāsilī meñ ho ġham-e-hastī se kyā farāġh
apnā pata mile jo mile ġhair kā surāġh
marg-e-badan se mar nahīñ saktā mirā vujūd
tum gāḌnā nahīñ mirī ummīd kā charāġh
āhista barg-e-gul-ba-fashāñ bar-mazār-e-mā
āhista ai sabā mirī hastī hai daaġh daaġh
palkoñ pe rakh ke jin ko sañbhālā thā 'umr bhar
ab kho ga.e kahāñ mirī nākāmiyoñ ke baaġh
le aayā phir vujūd ko saa.e kī oT meñ
āvārgī kā rāsta shorīda ik dimāġh
ḳhāmoshiyoñ ke shor meñ gum ho gayā yaqīñ
dil ke nagar meñ rah gayā bas ik gumāñ kā daaġh
la-hasili mein ho gham-e-hasti se kya faragh
apna pata mile jo mile ghair ka suragh
marg-e-badan se mar nahin sakta mera wujud
tum gaDna nahin meri ummid ka charagh
aahista barg-e-gul-ba-fashan bar-mazar-e-ma
aahista ai saba meri hasti hai dagh dagh
palkon pe rakh ke jin ko sanbhaala tha 'umr bhar
ab kho gae kahan meri nakaamiyon ke bagh
le aaya phir wujud ko sae ki oT mein
aawargi ka rasta shorida ek dimagh
KHamoshiyon ke shor mein gum ho gaya yaqin
dil ke nagar mein rah gaya bas ek guman ka dagh
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
