koi andaza kare baat ki gahrai ka
koī andāza kare baat kī gahrā.ī kā
chār-sū kuchh bhī nahīñ vahm hai bīnā.ī kā
ghar se niklā huuñ sajā kar ġham-e-dil chehre par
aap sāmān liye phirtā huuñ rusvā.ī kā
ab to vo ḳhud hī mujhe dekh ke ruk jaatā hai
ab to kirdār tamāshā hai tamāshā.ī kā
roz kashkol-e-zamīñ bhar ke palaT jaatā hai
jaise sūraj meñ ḳhazāna ho tavānā.ī kā
apne ghar aap hī dar aatā hai dastak de kar
ab to yuuñ vaqt guzartā hai tamannā.ī kā
apne baare meñ bhī kuchh sochte Dar lagtā hai
aisā lamha bhī kabhī aatā hai tanhā.ī kā
koī suntā nahīñ 'hāmid' tū sunā qabroñ ko
kahīñ ehsās hī miT jaa.e na goyā.ī kā
koi andaza kare baat ki gahrai ka
chaar-su kuchh bhi nahin wahm hai binai ka
ghar se nikla hun saja kar gham-e-dil chehre par
aap saman liye phirta hun ruswai ka
ab to wo KHud hi mujhe dekh ke ruk jata hai
ab to kirdar tamasha hai tamashai ka
roz kashkol-e-zamin bhar ke palaT jata hai
jaise suraj mein KHazana ho tawanai ka
apne ghar aap hi dar aata hai dastak de kar
ab to yun waqt guzarta hai tamannai ka
apne bare mein bhi kuchh sochte Dar lagta hai
aisa lamha bhi kabhi aata hai tanhai ka
koi sunta nahin 'hamid' tu suna qabron ko
kahin ehsas hi miT jae na goyai ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
