kis waqt bujhi sham-e-tamanna mere aage

kis vaqt bujhī sham'-e-tamannā mire aage

sūraj mire pīchhe hai to saayā mire aage

dekhā to shanāsā nazar aayā nahīñ insāñ

sochā to dil-e-sang bhī dhaḌkā mire aage

is bazm ko ḳhalvat-gah-e-amboh hī kahiye

is bazm meñ har shaḳhs hai tanhā mire aage

shāyad ki yahīñ par hai mire naam kī suulī

aatā hai bahut din se masīhā mire aage

maiñ soch rahā thā ki ye rut kaun sī hogī

nā-gāh girā TuuT ke pattā mire aage

masrūf-e-suḳhan rahtā huuñ maiñ kis se shab-o-roz

rahtā hai barābar koī chehra mire aage

ḳhud biich meñ haa.el hai mirī zaat hī pyāre

dekhūñ tujhe kyūñkar ki hai parda mire aage

'hashmī' shajar-e-shab ke ye phaile hue saa.e

aur vo hai ki ik dhuup kā TukḌā mire aage

kis waqt bujhi sham'-e-tamanna mere aage

suraj mere pichhe hai to saya mere aage

dekha to shanasa nazar aaya nahin insan

socha to dil-e-sang bhi dhaDka mere aage

is bazm ko KHalwat-gah-e-amboh hi kahiye

is bazm mein har shaKHs hai tanha mere aage

shayad ki yahin par hai mere nam ki suli

aata hai bahut din se masiha mere aage

main soch raha tha ki ye rut kaun si hogi

na-gah gira TuT ke patta mere aage

masruf-e-suKHan rahta hun main kis se shab-o-roz

rahta hai barabar koi chehra mere aage

KHud bich mein hael hai meri zat hi pyare

dekhun tujhe kyunkar ki hai parda mere aage

'hashmi' shajar-e-shab ke ye phaile hue sae

aur wo hai ki ek dhup ka TukDa mere aage