kab hua taraj-e-barq-e-be-aman kyunkar hua

kab huā tārāj-e-barq-e-be-amāñ kyūñkar huā

ye na pūchho mujh se barbād āshiyāñ kyūñkar huā

juzv meñ kyūñkar ilāhī aa ga.e andāz-e-kul

qatra tūfāñ-zār bahr-e-be-karāñ kyūñkar huā

un kā jalva to azal se hai hijāb andar hijāb

bā'is-e-hangāma-e-kaun-o-makāñ kyūñkar huā

jis kī māhiyyat se hai zehn-e-malā.ik be-ḳhabar

āshnā us raaz se pīr-e-muġhāñ kyūñkar huā

ai ki terā husn mere dil meñ hai ḳhalvat-nashīñ

barg barg-e-lāla-o-gul se 'ayāñ kyūñkar huā

ek musht-e-ḳhāk se afzūñ nahīñ merā vujūd

sochtā huuñ hāmil-e-bār-e-garāñ kyūñkar huā

maiñ ki the haft-āsmāñ chakkar meñ rif'at se mirī

pā.emāl-e-gardish-e-haft-āsmāñ kyūñkar huā

maiñ ki thī mere liye pahnā.ī-e-aflāk-e-tang

hairatī huuñ qāne'-e-yak-ḳhāk-dāñ kyūñkar huā

maiñ ki thī taḳhlīq merī ḳhvājgī ko dahr kī

pā-e-band-e-ehtirām-e-īn-o-āñ kyūñkar huā

thā maiñ sahrā-e-‘adam meñ sūrat-e-kanz-e-nihāñ

'ālam-e-hastī meñ ḳhāk-e-rā.egāñ kyūñkar huā

bhā ga.ī kyuuñ fitrat-e-āzād ko pā-bastagī

aadmī mānūs-e-zanjīr-e-girāñ kyūñkar huā

asl hī jab kuchh nahīñ sūd-o-ziyān-e-dahr kī

garm ye hangāma-e-sūd-o-ziyāñ kyūñkar huā

sāz-e-gītī meñ nahīñ gar ġhair az āhang haq

millatoñ meñ farq-e-nāqūs-o-azāñ kyūñkar huā

tū kahāñ ai ġhairat-e-mahr-e-daraḳhshāñ ham kahāñ

ḳhāksāroñ par mohabbat kā gumāñ kyūñkar huā

jānte the ahl-e-taqvā se tujhe ham ai nihāl

ye batā sarḳhail-e-rindān-e-jahāñ kyūñkar huā

kab hua taraj-e-barq-e-be-aman kyunkar hua

ye na puchho mujh se barbaad aashiyan kyunkar hua

juzw mein kyunkar ilahi aa gae andaz-e-kul

qatra tufan-zar bahr-e-be-karan kyunkar hua

un ka jalwa to azal se hai hijab andar hijab

ba'is-e-hangama-e-kaun-o-makan kyunkar hua

jis ki mahiyyat se hai zehn-e-malaik be-KHabar

aashna us raaz se pir-e-mughan kyunkar hua

ai ki tera husn mere dil mein hai KHalwat-nashin

barg barg-e-lala-o-gul se 'ayan kyunkar hua

ek musht-e-KHak se afzun nahin mera wujud

sochta hun hamil-e-bar-e-garan kyunkar hua

main ki the haft-asman chakkar mein rif'at se meri

paemal-e-gardish-e-haft-asman kyunkar hua

main ki thi mere liye pahnai-e-aflak-e-tang

hairati hun qane'-e-yak-KHak-dan kyunkar hua

main ki thi taKHliq meri KHwajgi ko dahr ki

pa-e-band-e-ehtiram-e-in-o-an kyunkar hua

tha main sahra-e-‘adam mein surat-e-kanz-e-nihan

'alam-e-hasti mein KHak-e-raegan kyunkar hua

bha gai kyun fitrat-e-azad ko pa-bastagi

aadmi manus-e-zanjir-e-giran kyunkar hua

asl hi jab kuchh nahin sud-o-ziyan-e-dahr ki

garm ye hangama-e-sud-o-ziyan kyunkar hua

saz-e-giti mein nahin gar ghair az aahang haq

millaton mein farq-e-naqus-o-azan kyunkar hua

tu kahan ai ghairat-e-mahr-e-daraKHshan hum kahan

KHaksaron par mohabbat ka guman kyunkar hua

jaante the ahl-e-taqwa se tujhe hum ai nihaal

ye bata sarKHail-e-rindan-e-jahan kyunkar hua