barha tan ka labaada utra

bārhā tan kā labāda utrā

tum ne dekhā mirā chehra utrā

rah gayā naam tirā yaad mujhe

tū mire dhyān se kaisā utrā

koī manzar koī parchhā.īñ na yaad

ashk bhī aañkh meñ tanhā utrā

chehra-e-gul pe tabassum bikhrā

sīna-e-shāḳh meñ kāñTā utrā

dil meñ aayā tire paikar kā ḳhayāl

yā koī kāñch kā TukḌā utrā

barf qarnoñ kī pighal jā.egī

'rām' is baar jo dariyā utrā

barha tan ka labaada utra

tum ne dekha mera chehra utra

rah gaya nam tera yaad mujhe

tu mere dhyan se kaisa utra

koi manzar koi parchhain na yaad

ashk bhi aankh mein tanha utra

chehra-e-gul pe tabassum bikhra

sina-e-shaKH mein kanTa utra

dil mein aaya tere paikar ka KHayal

ya koi kanch ka TukDa utra

barf qarnon ki pighal jaegi

'ram' is bar jo dariya utra