ab is ke siwa kuchh nahin talqin hamari
ab is ke sivā kuchh nahīñ talqīn hamārī
kar dījiyegā dasht meñ tadfīn hamārī
bikhre hue aurāq haiñ sab roz-e-azal se
tum se nahīñ ho pā.egī tadvīn hamārī
kyā jāniye kis vaqt bhalā nazr-e-karam ho
kab dekh le vo hālat-e-miskīn hamārī
har ruuh pe khiltā nahīñ sāzīna-e-hastī
sunte nahīñ kam-zarf kabhī biin hamārī
duniyā ne jo pahnā.e haiñ vo haar alag haiñ
mumkin hai kareñ aap bhī tauhīn hamārī
ab is ke siwa kuchh nahin talqin hamari
kar dijiyega dasht mein tadfin hamari
bikhre hue auraq hain sab roz-e-azal se
tum se nahin ho paegi tadwin hamari
kya jaaniye kis waqt bhala nazr-e-karam ho
kab dekh le wo haalat-e-miskin hamari
har ruh pe khilta nahin sazina-e-hasti
sunte nahin kam-zarf kabhi bin hamari
duniya ne jo pahnae hain wo haar alag hain
mumkin hai karen aap bhi tauhin hamari
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
