wahshat mein sar-e-arsh-e-barin tham liya hai

vahshat meñ sar-e-'arsh-e-barīñ thaam liyā hai

is 'ishq se kyā kahiye ki kyā kaam liyā hai

hālat pe mirī gul hī nahīñ chāk-e-girebāñ

shabnam ne bhī ro ro ke jigar thaam liyā hai

ai mālik-e-kaunain mirī aas na TuuTe

maiñ ne bhī musībat meñ tirā naam liyā hai

barsoñ liye phirtī rahī taqdīr kī gardish

dam bhar jo kahīñ baiTh ke ārām liyā hai

jis vaqt bhī kuchh duur se sāhil ne pukārā

maujoñ ne vahīñ baḌh ke mujhe thaam liyā hai

har TuuTe hue par meñ hai paiġhām-e-rihā.ī

'hindī' ne sabaq aur tah-e-dām liyā hai

wahshat mein sar-e-'arsh-e-barin tham liya hai

is 'ishq se kya kahiye ki kya kaam liya hai

haalat pe meri gul hi nahin chaak-e-gireban

shabnam ne bhi ro ro ke jigar tham liya hai

ai malik-e-kaunain meri aas na TuTe

main ne bhi musibat mein tera nam liya hai

barson liye phirti rahi taqdir ki gardish

dam bhar jo kahin baiTh ke aaram liya hai

jis waqt bhi kuchh dur se sahil ne pukara

maujon ne wahin baDh ke mujhe tham liya hai

har TuTe hue par mein hai paigham-e-rihai

'hindi' ne sabaq aur tah-e-dam liya hai