maine kaDhe hain kai naqsh magar diwaren

maiñ ne kāḌhe haiñ ka.ī naqsh magar dīvāreñ

dekhtī rahtī haiñ paiham mirā sar dīvāreñ

nochtā rahtā huuñ maiñ apne badan-reze idhar

piitī rahtī haiñ mirā ḳhuun udhar dīvāreñ

ḳhushk āñkheñ liye jam jaatā hai ik sard badan

aur pighal jaatī haiñ bā-dīda-e-tar dīvāreñ

din meñ dīvānoñ sā hañstā huuñ shab-e-hijr pe maiñ

raat meñ letī haiñ din bhar kī ḳhabar dīvāreñ

mere kamre meñ barastī hai musalsal vahshat

aisī vahshat ki huī jaatī haiñ sar dīvāreñ

bas ḳhudā ḳhair kare vajd meñ haiñ aaj 'safīr'

vahshat-e-zabt kī manzūr-e-nazar dīvāreñ

main ne kaDhe hain kai naqsh magar diwaren

dekhti rahti hain paiham mera sar diwaren

nochta rahta hun main apne badan-reze idhar

piti rahti hain mera KHun udhar diwaren

KHushk aankhen liye jam jata hai ek sard badan

aur pighal jati hain ba-dida-e-tar diwaren

din mein diwanon sa hansta hun shab-e-hijr pe main

raat mein leti hain din bhar ki KHabar diwaren

mere kamre mein barasti hai musalsal wahshat

aisi wahshat ki hui jati hain sar diwaren

bas KHuda KHair kare wajd mein hain aaj 'safir'

wahshat-e-zabt ki manzur-e-nazar diwaren