kabhi na hota tha dil par asar udasi ka

kabhī na hotā thā dil par asar udāsī kā

par ab kiyā hai isī dil ko ghar udāsī kā

ġhazal huī hai hamesha udaas rahne par

barāh-e-rāst suḳhan hai hunar udāsī kā

kabhī sukūt kabhī ḳhauf aur kabhī vahshat

is iztirāb meñ guzrā safar udāsī kā

davā.ī jaise har ik dard kā 'ilāj nahīñ

vafā 'ilāj nahīñ vaise har udāsī kā

baḌā savāl thā dil meñ qayām kis kā hai

mirā javāb rahā muḳhtasar udāsī kā

shadīd ġham meñ udāsī hī saath thī mere

ye ek qarz hai 'faizān' par udāsī kā

kabhi na hota tha dil par asar udasi ka

par ab kiya hai isi dil ko ghar udasi ka

ghazal hui hai hamesha udas rahne par

barah-e-rast suKHan hai hunar udasi ka

kabhi sukut kabhi KHauf aur kabhi wahshat

is iztirab mein guzra safar udasi ka

dawai jaise har ek dard ka 'ilaj nahin

wafa 'ilaj nahin waise har udasi ka

baDa sawal tha dil mein qayam kis ka hai

mera jawab raha muKHtasar udasi ka

shadid gham mein udasi hi sath thi mere

ye ek qarz hai 'faizan' par udasi ka