hath par dil tabhi nikala hai

haath par dil tabhī nikālā hai

koī mujh se bichhaḌne vaalā hai

varna vahshat ne maar denā thā

shukr ashkoñ ko kuchh nikālā hai

maiñ huuñ mazdūr is liye terā

'ishq bachchoñ kī tarh paalā hai

ab ḳhudā par nasīb kī baazī

dil kā sikka thā vo uchhālā hai

tujh se vā'doñ kā paas rakhte hue

maiñ ne ḳhud ko kahāñ sañbhālā hai

chāñd kā naam ban gayā hai magar

raat meñ sab tirā ujālā hai

maiñ to gumnām huuñ mire 'aḳhtar'

terā chehra mirā havāla hai

hath par dil tabhi nikala hai

koi mujh se bichhaDne wala hai

warna wahshat ne mar dena tha

shukr ashkon ko kuchh nikala hai

main hun mazdur is liye tera

'ishq bachchon ki tarh pala hai

ab KHuda par nasib ki bazi

dil ka sikka tha wo uchhaala hai

tujh se wa'don ka pas rakhte hue

main ne KHud ko kahan sanbhaala hai

chand ka nam ban gaya hai magar

raat mein sab tera ujala hai

main to gumnam hun mere 'aKHtar'

tera chehra mera hawala hai