galiyon mein hawaon ke sisakne ki sada hai
galiyoñ meñ havāoñ ke sisakne kī sadā hai
tūfāñ to thamā shahr magar guuñj rahā hai
is tīrgī-e-vahshat-o-āseb-zada meñ
taarā koī TuuTā hai to dil kaañp gayā hai
kho jāoge nikloge agar us kī talab meñ
ye phuul jo is vaqt nigāhoñ meñ khilā hai
ehsās-e-shikast ubhrā hai yā terā tasavvur
yādoñ ke jharoke se koī jhāñk rahā hai
TuuTī hai koī aas to amboh-e-ḳhayālāt
'ḳhāvar' sar-e-darvāza-e-dil TuuT paḌā hai
galiyon mein hawaon ke sisakne ki sada hai
tufan to thama shahr magar gunj raha hai
is tirgi-e-wahshat-o-aseb-zada mein
tara koi TuTa hai to dil kanp gaya hai
kho jaoge nikloge agar us ki talab mein
ye phul jo is waqt nigahon mein khila hai
ehsas-e-shikast ubhra hai ya tera tasawwur
yaadon ke jharoke se koi jhank raha hai
TuTi hai koi aas to amboh-e-KHayalat
'KHawar' sar-e-darwaza-e-dil TuT paDa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
