dil mein unki aarzu ho sar mein sauda bhi to ho

dil meñ un kī aarzū ho sar meñ saudā bhī to ho

sāmne aa jaa.eñ vo un kī tamannā bhī to ho

un kā ġham un kī ḳhushī un kī nigāheñ un kā dil

mere mālik 'ishq meñ koī hamārā bhī to ho

maiñ bhī sar ko phoḌ Dālūñ apnā ai dast-e-junūñ

ye mirī vahshat magar un ko gavārā bhī to ho

'ishq ban jaa.e ze-sar-tā-pā nigah ai ham-nafas

husn-e-ḳhud-bīñ ko magar zauq-e-tamāshā bhī to ho

ye umīd-o-yās kī paiham kashā.ish tā-ba-kai

ham to mar jaa.eñ magar un kā ishāra bhī to ho

ġhuncha-o-gul meñ mah-o-anjum meñ jalva-gar hai kaun

aap chhupiye shauq se chhupne ko pardā bhī to ho

kaun sī hai mauj jo mauj-e-lab-e-sāhil nahīñ

bahr-e-ulfat kā kahīñ 'hindī' kināra bhī to ho

dil mein un ki aarzu ho sar mein sauda bhi to ho

samne aa jaen wo un ki tamanna bhi to ho

un ka gham un ki KHushi un ki nigahen un ka dil

mere malik 'ishq mein koi hamara bhi to ho

main bhi sar ko phoD Dalun apna ai dast-e-junun

ye meri wahshat magar un ko gawara bhi to ho

'ishq ban jae ze-sar-ta-pa nigah ai ham-nafas

husn-e-KHud-bin ko magar zauq-e-tamasha bhi to ho

ye umid-o-yas ki paiham kashaish ta-ba-kai

hum to mar jaen magar un ka ishaara bhi to ho

ghuncha-o-gul mein mah-o-anjum mein jalwa-gar hai kaun

aap chhupiye shauq se chhupne ko parda bhi to ho

kaun si hai mauj jo mauj-e-lab-e-sahil nahin

bahr-e-ulfat ka kahin 'hindi' kinara bhi to ho