dil bhi mamur hai kya kaam nibhane ke liye
dil bhī mā'mūr hai kyā kaam nibhāne ke liye
zaḳhm khāne ke liye ranj uThāne ke liye
na.e andāz kī vahshat hai ki ab dīvāne
dasht uThā laate haiñ logoñ ko dikhāne ke liye
tū ne kyā phūloñ ko dekhā hai ki ab phuul tujhe
dekhte haiñ tirā andāz churāne ke liye
kyā havā.eñ haiñ ki jugnū ko bujhā paatī nahīñ
aur betāb haiñ sūraj ko bujhāne ke liye
she'r kī shakl meñ jazboñ ko zabāñ baḳhshī hai
ham ne likkhā hī nahīñ naam kamāne ke liye
dil bhi ma'mur hai kya kaam nibhane ke liye
zaKHm khane ke liye ranj uThane ke liye
nae andaz ki wahshat hai ki ab diwane
dasht uTha late hain logon ko dikhane ke liye
tu ne kya phulon ko dekha hai ki ab phul tujhe
dekhte hain tera andaz churane ke liye
kya hawaen hain ki jugnu ko bujha pati nahin
aur betab hain suraj ko bujhane ke liye
she'r ki shakl mein jazbon ko zaban baKHshi hai
hum ne likkha hi nahin nam kamane ke liye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
