ai masiha teri kaisi ye masihai hai
ai masīhā tirī kaisī ye masīhā.ī hai
pahle 'āshiq thā jo dil aaj vo saudā.ī hai
ab tujhe kaise bachā.ūñgī mire pyāre dil
tū ne us shaḳhs pe miTne kī qasam khaa.ī hai
us ko sochūñ to aziyyat hai bhulāne meñ hai maut
dil-lagī mujh ko ye kis moḌ pe le aa.ī hai
hai agar yūsufī kirdār tirā ai jānāñ
'ishq bhī 'aam nahīñ merā zuleḳhā.ī hai
jab se sahrā kā safar mujh pe huā hai taarī
ek vahshat kī ridā sar pe mire chhā.ī hai
baa'd muddat to mire phone kī qismat jaagī
saath ham donoñ ne tasvīr jo khiñchvā.ī hai
ai masiha teri kaisi ye masihai hai
pahle 'ashiq tha jo dil aaj wo saudai hai
ab tujhe kaise bachaungi mere pyare dil
tu ne us shaKHs pe miTne ki qasam khai hai
us ko sochun to aziyyat hai bhulane mein hai maut
dil-lagi mujh ko ye kis moD pe le aai hai
hai agar yusufi kirdar tera ai jaanan
'ishq bhi 'am nahin mera zuleKHai hai
jab se sahra ka safar mujh pe hua hai tari
ek wahshat ki rida sar pe mere chhai hai
ba'd muddat to mere phone ki qismat jagi
sath hum donon ne taswir jo khinchwai hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
