zulmat ko raushni ki faza de rahe hain log
zulmat ko raushnī kī fazā de rahe haiñ log
ik inqalāb-e-nau kā pata de rahe haiñ log
tanhā dayār-e-'ishq kī manzil meñ huuñ magar
mujh ko hī har taraf se sadā de rahe haiñ log
merī vafā kā bhuul ke bhī tazkira nahīñ
us be-vafā ko dād-e-jafā de rahe haiñ log
jis āshiyāñ ko aag lagā dī bahār ne
us āshiyāñ ko aur havā de rahe haiñ log
'hindī' ko jān-būjh ke pahchānte nahīñ
achchhā ḳhulūs-e-dil kā sila de rahe haiñ log
zulmat ko raushni ki faza de rahe hain log
ek inqalab-e-nau ka pata de rahe hain log
tanha dayar-e-'ishq ki manzil mein hun magar
mujh ko hi har taraf se sada de rahe hain log
meri wafa ka bhul ke bhi tazkira nahin
us be-wafa ko dad-e-jafa de rahe hain log
jis aashiyan ko aag laga di bahaar ne
us aashiyan ko aur hawa de rahe hain log
'hindi' ko jaan-bujh ke pahchante nahin
achchha KHulus-e-dil ka sila de rahe hain log
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
