tarikiyan sitam ki miTate rahenge hum
tārīkiyāñ sitam kī miTāte raheñge ham
apne lahū se diip jalāte raheñge ham
rāh-e-vafā meñ jaan gañvāte raheñge ham
tārīḳh meñ maqām banāte raheñge ham
ye iqtizā-e-vaqt hai kuchh sar-kashī nahīñ
kab tak batāo sar ko jhukāte raheñge ham
ho āñdhiy.oñ kā zor ki tūfāñ kī yūrisheñ
bujhte hue charāġh jalāte raheñge ham
haiñ baar zindagī ke shab-o-roz ai 'azīz'
jab tak uThe hai bojh uThāte raheñge ham
tarikiyan sitam ki miTate rahenge hum
apne lahu se dip jalate rahenge hum
rah-e-wafa mein jaan ganwate rahenge hum
tariKH mein maqam banate rahenge hum
ye iqtiza-e-waqt hai kuchh sar-kashi nahin
kab tak batao sar ko jhukate rahenge hum
ho aandhiyon ka zor ki tufan ki yurishen
bujhte hue charagh jalate rahenge hum
hain bar zindagi ke shab-o-roz ai 'aziz'
jab tak uThe hai bojh uThate rahenge hum
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
