subh karte hain sham karte hain

sub.h karte haiñ shaam karte haiñ

jhuk ke us ko salām karte haiñ

pyaar se baat jab kare koī

zindagī us ke naam karte haiñ

karte haiñ jān-o-dil se ham ḳhidmat

jaise saare ġhulām karte haiñ

mushkileñ be-shumār hotī haiñ

raah meñ jo qayām karte haiñ

rūThe logoñ ko ham manāte haiñ

nit nayā ham ye kaam karte haiñ

diid karne kī jo kare ḳhvāhish

naam us ke hī shaam karte haiñ

chār-sū nafrateñ haiñ ab 'qaisar'

ham mohabbat ko 'aam karte haiñ

subh karte hain sham karte hain

jhuk ke us ko salam karte hain

pyar se baat jab kare koi

zindagi us ke nam karte hain

karte hain jaan-o-dil se hum KHidmat

jaise sare ghulam karte hain

mushkilen be-shumar hoti hain

rah mein jo qayam karte hain

ruThe logon ko hum manate hain

nit naya hum ye kaam karte hain

did karne ki jo kare KHwahish

nam us ke hi sham karte hain

chaar-su nafraten hain ab 'qaisar'

hum mohabbat ko 'am karte hain