dushmanon se bhi maine pyar kiya
dushmanoñ se bhī maiñ ne pyaar kiyā
aur ye kaam baar baar kiyā
vahī shāne pe vaar kartā hai
sar pe jis ko kabhī savār kiyā
us ko Dar lag rahā hai paanī se
jis ne dariyā nashe meñ paar kiyā
ziist kyā hai vahī batā.egā
maut kā jis ne intizār kiyā
shukriya zindagī meñ aane kā
dasht-e-dil tū ne lāla-zār kiyā
miir sāhab se pūchhnā 'mushtāq'
kyuuñ garebān tār-tār kiyā
dushmanon se bhi main ne pyar kiya
aur ye kaam bar bar kiya
wahi shane pe war karta hai
sar pe jis ko kabhi sawar kiya
us ko Dar lag raha hai pani se
jis ne dariya nashe mein par kiya
zist kya hai wahi bataega
maut ka jis ne intizar kiya
shukriya zindagi mein aane ka
dasht-e-dil tu ne lala-zar kiya
mir sahab se puchhna 'mushtaq'
kyun gareban tar-tar kiya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
