dosti un se hum yun nibhate rahe
dostī un se ham yuuñ nibhāte rahe
zaḳhm khāte rahe muskurāte rahe
jin se ummīd-e-chāragarī ham ko thī
mushkileñ vo hamārī baḌhāte rahe
thā kaThin sāmne jin ke sach bolnā
aa.ina ham unheñ bhī dikhāte rahe
lafz-o-mā'nī ko de kar jigar kā lahū
ābrū-e-ġhazal ham bachāte rahe
ḳhvāb-e-ġhaflat meñ 'e'jāz' jo log the
apne she'roñ se un ko jagāte rahe
dosti un se hum yun nibhate rahe
zaKHm khate rahe muskuraate rahe
jin se ummid-e-chaaragari hum ko thi
mushkilen wo hamari baDhate rahe
tha kaThin samne jin ke sach bolna
aaina hum unhen bhi dikhate rahe
lafz-o-ma'ni ko de kar jigar ka lahu
aabru-e-ghazal hum bachate rahe
KHwab-e-ghaflat mein 'e'jaz' jo log the
apne she'ron se un ko jagate rahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
