bandishen lakh laga len ye zamane wale
bandisheñ laakh lagā leñ ye zamāne vaale
pyaar kī ḳhushbū luTā.eñge luTāne vaale
apne bachchoñ kī tarah pālte haiñ vo un ko
peḌ kāTeñge nahīñ peḌ lagāne vaale
aag lagte hī havāoñ ne yuuñ badlā hai ruḳh
'umr bhar ro.e mire ghar ko jalāne vaale
saath rahne ke bhī ādāb nibhā.e ham ne
der tak saath chale chhoḌ ke jaane vaale
sabr kī aag meñ jal jā.egā sab kuchh 'rūbī'
bhuul jaate haiñ ġharīboñ ko satāne vaale
bandishen lakh laga len ye zamane wale
pyar ki KHushbu luTaenge luTane wale
apne bachchon ki tarah palte hain wo un ko
peD kaTenge nahin peD lagane wale
aag lagte hi hawaon ne yun badla hai ruKH
'umr bhar roe mere ghar ko jalane wale
sath rahne ke bhi aadab nibhae hum ne
der tak sath chale chhoD ke jaane wale
sabr ki aag mein jal jaega sab kuchh 'rubi'
bhul jate hain gharibon ko satane wale
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
