tumhaare wade bahut humne aazmae hain

tumhāre vā'de bahut ham ne āzmā.e haiñ

qadam qadam pe hazāroñ fareb khaa.e haiñ

ye aur baat ki tujh ko ḳhabar nahīñ merī

charāġh kis ne tirī raah meñ jalā.e haiñ

varā-e-dair-o-haram DhūñDnā paḌegā unheñ

nikal gharoñdoñ se jo rāste meñ aa.e haiñ

tumhārī zulf bikhartī thī jin ke shānoñ par

tumhārī bazm meñ vo log ab parā.e haiñ

ḳhushī se aaj sitāre bikher de 'vāsif'

vo aaj bām-e-falak se utar ke aa.e haiñ

tumhaare wa'de bahut hum ne aazmae hain

qadam qadam pe hazaron fareb khae hain

ye aur baat ki tujh ko KHabar nahin meri

charagh kis ne teri rah mein jalae hain

wara-e-dair-o-haram DhunDna paDega unhen

nikal gharondon se jo raste mein aae hain

tumhaari zulf bikharti thi jin ke shanon par

tumhaari bazm mein wo log ab parae hain

KHushi se aaj sitare bikher de 'wasif'

wo aaj baam-e-falak se utar ke aae hain