karti hain sajde kahan peshaniyan
kartī haiñ sajde kahāñ peshāniyāñ
kahne meñ āsān haiñ āsāniyāñ
beTe baazū bante haiñ ye Thiik hai
beTiyāñ hotī haiñ ghar kī rāniyāñ
jab bhī vā'da kartā hai koī vazīr
jhuuT ko hotī haiñ tab hairāniyāñ
bachpanā ghuT ghuT ke guzrā hai mirā
vaqt ne kiiñ is qadar shaitāniyāñ
muft mil jaa.e to kaisī ahmiyat
rā.egāñ jaatī haiñ kuchh qurbāniyāñ
ek bhī ghar bach nahīñ paayā yahāñ
shahr-e-dil ko khā ga.iiñ vīrāniyāñ
hāl-e-dil apnā to aisā hai 'vaqī'
zulmatoñ ke biich haiñ tābāniyāñ
karti hain sajde kahan peshaniyan
kahne mein aasan hain aasaniyan
beTe bazu bante hain ye Thik hai
beTiyan hoti hain ghar ki raniyan
jab bhi wa'da karta hai koi wazir
jhuT ko hoti hain tab hairaniyan
bachpana ghuT ghuT ke guzra hai mera
waqt ne kin is qadar shaitaniyan
muft mil jae to kaisi ahmiyat
raegan jati hain kuchh qurbaniyan
ek bhi ghar bach nahin paya yahan
shahr-e-dil ko kha gain viraniyan
haal-e-dil apna to aisa hai 'waqi'
zulmaton ke bich hain tabaniyan
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
