ek muddat wada-e-farda pe Tahlaya gaya

ek muddat vā'da-e-fardā pe Tahlāyā gayā

aur phir ashk-e-nadāmat hī se nahlāyā gayā

aaj phir māyūs ho kar muzmahil thā dil bahut

aaj phir is dil ko ummīdoñ se bahlāyā gayā

pahle angusht-e-hinā.ī se tar-o-tāza kiyā

phir hamāre zaḳhm-e-dil ko ḳhuub sahlāyā gayā

varna merī zaat par kis ko majāl-e-tanz thī

mehrbānī aap kī maiñ jo bhī kahlāyā gayā

pahle bhī un ke 'atā-karda tahā.if kam na the

phir naved-e-hijr de kar dil ko dahlāyā gayā

muflis-o-nādār saare shaad haiñ 'az.har' magar

ahl-e-sarvat kā kisī se dil na bahlāyā gayā

ek muddat wa'da-e-farda pe Tahlaya gaya

aur phir ashk-e-nadamat hi se nahlaya gaya

aaj phir mayus ho kar muzmahil tha dil bahut

aaj phir is dil ko ummidon se bahlaya gaya

pahle angusht-e-hinai se tar-o-taza kiya

phir hamare zaKHm-e-dil ko KHub sahlaya gaya

warna meri zat par kis ko majal-e-tanz thi

mehrbani aap ki main jo bhi kahlaya gaya

pahle bhi un ke 'ata-karda tahaif kam na the

phir nawed-e-hijr de kar dil ko dahlaya gaya

muflis-o-nadar sare shad hain 'azhar' magar

ahl-e-sarwat ka kisi se dil na bahlaya gaya