aaghaz nahin yaro anjam se Darte hain

āġhāz nahīñ yaaro anjām se Darte haiñ

so 'ishq-o-mohabbat ham Dar Dar ke hī karte haiñ

pahle to jo kahte the har haal meñ rah leñge

vo dekh ke hālāt ab bātoñ se mukarte haiñ

kyā ḳhaak guzāreñge vo 'umr mohabbat meñ

ik 'umr kā keh kar jo pal bhar hī Thaharte haiñ

bas jaate haiñ jo dil meñ ik baat se hī yaaro

ik baat se hī aksar dil se vo utarte haiñ

ye chāra-garī dekho marham kī jagah yaaro

bosa vo hameñ de kar kam dard ko karte haiñ

aaghaz nahin yaro anjam se Darte hain

so 'ishq-o-mohabbat hum Dar Dar ke hi karte hain

pahle to jo kahte the har haal mein rah lenge

wo dekh ke haalat ab baaton se mukarte hain

kya KHak guzarenge wo 'umr mohabbat mein

ek 'umr ka keh kar jo pal bhar hi Thaharte hain

bas jate hain jo dil mein ek baat se hi yaro

ek baat se hi aksar dil se wo utarte hain

ye chaara-gari dekho marham ki jagah yaro

bosa wo hamein de kar kam dard ko karte hain