zara dekh aa ke tu ham-nashin tere bin mera jo ye haal hai
zarā dekh aa ke tū ham-nashīñ tire bin mirā jo ye haal hai
kabhī auj par haiñ udāsiyāñ kabhī dhaḌkanoñ pe zavāl hai
nahīñ chain tum ko sune binā na qarār aa.e mile binā
haiñ jo mīloñ duur ke fāsle unhī fāsloñ kā malāl hai
maiñ ne 'umr yuuñ hī guzār dī tirī chaah meñ tirī raah meñ
mirī aarzū ko ḳhabar na thī ki muhāl terā visāl hai
mirī kaifiyat bhī 'ajīb hai kabhī shaad huuñ kabhī mahv-e-ġham
vo ḳhizāñ ho chāhe bahār ho mirā ek jaisā hī haal hai
zara dekh aa ke tu ham-nashin tere bin mera jo ye haal hai
kabhi auj par hain udasiyan kabhi dhaDkanon pe zawal hai
nahin chain tum ko sune bina na qarar aae mile bina
hain jo milon dur ke fasle unhi faslon ka malal hai
main ne 'umr yun hi guzar di teri chah mein teri rah mein
meri aarzu ko KHabar na thi ki muhaal tera visal hai
meri kaifiyat bhi 'ajib hai kabhi shad hun kabhi mahw-e-gham
wo KHizan ho chahe bahaar ho mera ek jaisa hi haal hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
