ye aqd-e-dil hai faqat rasm ya zaban ka nahin

ye 'aqd-e-dil hai faqat rasm yā zabāñ kā nahīñ

ye vasl vaqt ke dhāge meñ is jahāñ kā nahīñ

yahāñ anā nahīñ chaltī yahāñ jhukāv hai shart

ye saath zid yā anā ke kisī nishāñ kā nahīñ

ye rāsta hai razā-mand do diloñ kā safar

ye rishta mahz kisī ek ke gumāñ kā nahīñ

qubūl-e-dil ne sikhāyā hai 'aqd kā matlab

ye saath chalne kā mauqa' hai imtihāñ kā nahīñ

ye ek vā'da hai jo ḳhud ko sauñp dene kā

ye bojh lafz kā rasmoñ ke kārvāñ kā nahīñ

ham apne dil ko tirī ruuh meñ basā.eñge

maqām-e-dil to kisī dūsre makāñ kā nahīñ

ye us ke dil ne tire dil ko ghar banāyā hai

vagarna to dil-e-ehsāñ tū dāstāñ kā nahīñ

ye 'aqd-e-dil hai faqat rasm ya zaban ka nahin

ye wasl waqt ke dhage mein is jahan ka nahin

yahan ana nahin chalti yahan jhukaw hai shart

ye sath zid ya ana ke kisi nishan ka nahin

ye rasta hai raza-mand do dilon ka safar

ye rishta mahz kisi ek ke guman ka nahin

qubul-e-dil ne sikhaya hai 'aqd ka matlab

ye sath chalne ka mauqa' hai imtihan ka nahin

ye ek wa'da hai jo KHud ko saunp dene ka

ye bojh lafz ka rasmon ke karwan ka nahin

hum apne dil ko teri ruh mein basaenge

maqam-e-dil to kisi dusre makan ka nahin

ye us ke dil ne tere dil ko ghar banaya hai

wagarna to dil-e-ehsan tu dastan ka nahin