yakta hain aap sar se qadam tak kamal mein

yaktā haiñ aap sar se qadam tak kamāl meñ

fitna jo qad meñ hai to qayāmat hai chaal meñ

pohñchā diyā kahāñ se kahāñ mujh ko 'ishq ne

dekhā ḳhudā ko maiñ ne butoñ ke jamāl meñ

'āshiq ke dil se pūchhe koī hijr kā maza

jo lutf hai firāq meñ kab hai visāl meñ

maḳhmūr-e-husn vo haiñ to ham mast-e-'ishq haiñ

vo apne haal meñ haiñ to ham apne haal meñ

zinda kiyā use use pāmāl kar diyā

kyā kyā qayāmateñ haiñ hasīnoñ kī chaal meñ

dekhā nahīñ jahāñ meñ koī aap sā hasīñ

vallāh aap fard haiñ husn-o-jamāl meñ

kis muñh se maiñ kahūñ ki tirā banda huuñ ġhafūr

gaThrī gunāh kī hai bañdhī baal baal meñ

duniyā meñ jo yagāna hai begāna-vār hai

'mohsin' hai ab to mahr-e-mohabbat zavāl meñ

yakta hain aap sar se qadam tak kamal mein

fitna jo qad mein hai to qayamat hai chaal mein

pohncha diya kahan se kahan mujh ko 'ishq ne

dekha KHuda ko main ne buton ke jamal mein

'ashiq ke dil se puchhe koi hijr ka maza

jo lutf hai firaq mein kab hai visal mein

maKHmur-e-husn wo hain to hum mast-e-'ishq hain

wo apne haal mein hain to hum apne haal mein

zinda kiya use use pamal kar diya

kya kya qayamaten hain hasinon ki chaal mein

dekha nahin jahan mein koi aap sa hasin

wallah aap fard hain husn-o-jamal mein

kis munh se main kahun ki tera banda hun ghafur

gaThri gunah ki hai bandhi baal baal mein

duniya mein jo yagana hai begana-war hai

'mohsin' hai ab to mahr-e-mohabbat zawal mein