sad-shukr dard-e-hijr ko itna to kam kiya
sad-shukr dard-e-hijr ko itnā to kam kiyā
us ne mire vujūd pe āñkhoñ se dam kiyā
dil yuuñ mile ki pyaar kā ik baab khul gayā
dhaḌkan se us ne qurb kā lamha raqam kiyā
sāñseñ milī haiñ biich meñ kuchh fāsla nahīñ
kuchh is tarah se us ne diloñ ko baham kiyā
us ne rakhī jo laaj mire e'tibār kī
maiñ ne bhī us ke pyaar ko apnā bharam kiyā
us ne dikhā diyā hai mohabbat kā rāsta
maiñ ne bhī us kā rāsta naqsh-e-qadam kiyā
sāñsoñ meñ bas ga.ī hai mohabbat bharī ġhazal
itne hasīn lahje meñ chāhat ne ram kiyā
'ambar' jabīñ pe phuul sā bosa milā mujhe
maiñ ne bhī us ke pyaar meñ palkoñ ko ḳham kiyā
sad-shukr dard-e-hijr ko itna to kam kiya
us ne mere wujud pe aankhon se dam kiya
dil yun mile ki pyar ka ek bab khul gaya
dhaDkan se us ne qurb ka lamha raqam kiya
sansen mili hain bich mein kuchh fasla nahin
kuchh is tarah se us ne dilon ko baham kiya
us ne rakhi jo laj mere e'tibar ki
main ne bhi us ke pyar ko apna bharam kiya
us ne dikha diya hai mohabbat ka rasta
main ne bhi us ka rasta naqsh-e-qadam kiya
sanson mein bas gai hai mohabbat bhari ghazal
itne hasin lahje mein chahat ne ram kiya
'ambar' jabin pe phul sa bosa mila mujhe
main ne bhi us ke pyar mein palkon ko KHam kiya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
