roz aafat nai zamin par hai

roz aafat na.ī zamīñ par hai

koī to mas.ala kahīñ par hai

chup hī takrār par musir hotī

ḳhatm isrār haañ nahīñ par hai

roz girte haiñ Thokareñ khā kar

phir bhī vo sang-e-rah vahīñ par hai

vasvase bā’is-e-nadāmat haiñ

saarā īmān to yaqīñ par hai

pahle shikva thā koī rahtā nahīñ

ab ki barham ye dil makīñ par hai

lams us kā bhulā.e kaise 'visāl'

sabt bosa jo is jabīñ par hai

roz aafat nai zamin par hai

koi to masala kahin par hai

chup hi takrar par musir hoti

KHatm israr han nahin par hai

roz girte hain Thokaren kha kar

phir bhi wo sang-e-rah wahin par hai

waswase ba’is-e-nadamat hain

sara iman to yaqin par hai

pahle shikwa tha koi rahta nahin

ab ki barham ye dil makin par hai

lams us ka bhulae kaise 'visal'

sabt bosa jo is jabin par hai