qafile jab bahaar ke nikle
qāfile jab bahār ke nikle
yuuñ huā mere hausle nikle
jo tumhārī zabāñ ne baḳhshe haiñ
zaḳhm mere hare-bhare nikle
hijr aur vasl ranj aur ḳhushī
ziist ke kitne marhale nikle
chaak siina kiyā to kyā dekhā
dil ke sab TuuTe aa.ine nikle
saath hote hue bhī duur haiñ ham
darmiyāñ kitne fāsle nikle
bāda-noshī kī chaah jaagī jab
band saare hī mai-kade nikle
kuchh to hogā jo us havelī se
bachche sab chīḳhte hue nikle
kitnā pur-lutf thā safar 'adnān'
mere paaoñ ke aable nikle
qafile jab bahaar ke nikle
yun hua mere hausle nikle
jo tumhaari zaban ne baKHshe hain
zaKHm mere hare-bhare nikle
hijr aur wasl ranj aur KHushi
zist ke kitne marhale nikle
chaak sina kiya to kya dekha
dil ke sab TuTe aaine nikle
sath hote hue bhi dur hain hum
darmiyan kitne fasle nikle
baada-noshi ki chah jagi jab
band sare hi mai-kade nikle
kuchh to hoga jo us haweli se
bachche sab chiKHte hue nikle
kitna pur-lutf tha safar 'adnan'
mere paon ke aable nikle
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
