manzil-e-wasl milegi na safar jaega

manzil-e-vasl milegī na safar jā.egā

hijr hī hijr hai ye 'ishq jidhar jā.egā

chand darvesh mohabbat kī du'ā deñge mujhe

maiñ bhī jī uTThūñgā aur vaqt guzar jā.egā

ye jo tārīkī-e-ġham hai ye zarā der kī hai

dil use DhūñDne yuuñ tā-ba-sahar jā.egā

kachche bartan ko pakāyā nahīñ kūza-gar ne

bārish-e-dard jo barsī to bikhar jā.egā

hākim-e-kizb kā e'lān hai galiyoñ galiyoñ

sach kā jhanDā jo uThā.egā vo mar jā.egā

mujh sā mazdūr kahāñ chhuTTī kiyā kartā hai

TūTtā jism liye shaam ko ghar jā.egā

chāra-sāzoñ ne salīboñ se pukārā hai 'bashar'

jurm jis kā bhī hai vo mere hī sar jā.egā

manzil-e-wasl milegi na safar jaega

hijr hi hijr hai ye 'ishq jidhar jaega

chand darwesh mohabbat ki du'a denge mujhe

main bhi ji uTThunga aur waqt guzar jaega

ye jo tariki-e-gham hai ye zara der ki hai

dil use DhunDne yun ta-ba-sahar jaega

kachche bartan ko pakaya nahin kuza-gar ne

barish-e-dard jo barsi to bikhar jaega

hakim-e-kizb ka e'lan hai galiyon galiyon

sach ka jhanDa jo uThaega wo mar jaega

mujh sa mazdur kahan chhuTTi kiya karta hai

TuTta jism liye sham ko ghar jaega

chaara-sazon ne salibon se pukara hai 'bashar'

jurm jis ka bhi hai wo mere hi sar jaega