kuchh is tarah se main auj-e-kamal dunga tujhe

kuchh is tarah se maiñ auj-e-kamāl dūñgā tujhe

ki Duub kar bhī na shām-e-zavāl dūñgā tujhe

kahā nahīñ thā mire halqa-e-asar meñ na aa

kabhī jo mauj meñ aayā uchhāl dūñgā tujhe

ḳhabar nahīñ thī ki siine se dil meñ niklegā

mirā ḳhayāl thā dil se nikāl dūñgā tujhe

kahā karegā tū har dam koī visāl visāl

ik aise hijr ke sāñche meñ Dhaal dūñgā tujhe

jo aa gayā tū mire ḳhema-e-mohabbat meñ

to āftāb sā jāh-o-jalāl dūñgā tujhe

phir aa.ina bhī jo dekhe to dang rah jaa.e

kuchh is tarah se maiñ dād-e-jamāl dūñgā tujhe

kuchh is tarah se main auj-e-kamal dunga tujhe

ki Dub kar bhi na sham-e-zawal dunga tujhe

kaha nahin tha mere halqa-e-asar mein na aa

kabhi jo mauj mein aaya uchhaal dunga tujhe

KHabar nahin thi ki sine se dil mein niklega

mera KHayal tha dil se nikal dunga tujhe

kaha karega tu har dam koi visal visal

ek aise hijr ke sanche mein Dhaal dunga tujhe

jo aa gaya tu mere KHema-e-mohabbat mein

to aaftab sa jah-o-jalal dunga tujhe

phir aaina bhi jo dekhe to dang rah jae

kuchh is tarah se main dad-e-jamal dunga tujhe