koi manzar pur-KHatar ab dil ko dahlata nahin
koī manzar pur-ḳhatar ab dil ko dahlātā nahīñ
jo bhī dāman ab chhuḌā le to maiñ katrātā nahīñ
us ne sochā thā bichhaḌ kar ḳhush rahegā vo magar
ab pareshāñ hai koī aapas meñ milvātā nahīñ
dil ne shiryānoñ ke zariye 'ishq kī tarsīl kī
bas gayā hai ruuh meñ 'ishq aur ab jaatā nahīñ
āsmāñ sar par nahīñ hai aur zamīñ bhī kho ga.ī
koī rasta koī manzil merā dil paatā nahīñ
mujh ko bhī yūsuf kī ḳhushbū aa rahī hai der se
mere yūsuf kā koī kurtā magar laatā nahīñ
kyā abul-qāsim ke us farmān se ġhāfil hai tū
phuul takiya aur ḳhushbū koī Thukrātā nahīñ
ḳhud garebāñ chaak kar ke phir 'alam banvā liyā
'azm hai ab pairahan maiñ koī silvātā nahīñ
koi manzar pur-KHatar ab dil ko dahlata nahin
jo bhi daman ab chhuDa le to main katraata nahin
us ne socha tha bichhaD kar KHush rahega wo magar
ab pareshan hai koi aapas mein milwata nahin
dil ne shiryanon ke zariye 'ishq ki tarsil ki
bas gaya hai ruh mein 'ishq aur ab jata nahin
aasman sar par nahin hai aur zamin bhi kho gai
koi rasta koi manzil mera dil pata nahin
mujh ko bhi yusuf ki KHushbu aa rahi hai der se
mere yusuf ka koi kurta magar lata nahin
kya abul-qasim ke us farman se ghafil hai tu
phul takiya aur KHushbu koi Thukraata nahin
KHud gareban chaak kar ke phir 'alam banwa liya
'azm hai ab pairahan main koi silwata nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
