ek mohabbat mein giraftar hain hum bhi tum bhi

ik mohabbat meñ giraftār haiñ ham bhī tum bhī

ek duuje ke talab-gār haiñ ham bhī tum bhī

dil ke sahrā meñ liye phirte haiñ yādoñ ke charāġh

ek hī ġham ke parastār haiñ ham bhī tum bhī

vaqt ne laakh hameñ apnī taraf khīñchā magar

'ishq ke dar ke vafā-dār haiñ ham bhī tum bhī

fāsloñ se na ghaTī dil kī harārat koī

ek jazbe ke taraf-dār haiñ ham bhī tum bhī

log samjheñ ki na samjheñ ye ta'alluq apnā

ek ḳhāmoshī ke iz.hār haiñ ham bhī tum bhī

'umr guzrī hai isī chaah maiñ bechain magar

ek ummīd ke bīmār haiñ ham bhī tum bhī

dard āñkhoñ meñ chhupā lete haiñ 'ambar' apnā

aisā lagtā hai adākār haiñ ham bhī tum bhī

ek mohabbat mein giraftar hain hum bhi tum bhi

ek duje ke talab-gar hain hum bhi tum bhi

dil ke sahra mein liye phirte hain yaadon ke charagh

ek hi gham ke parastar hain hum bhi tum bhi

waqt ne lakh hamein apni taraf khincha magar

'ishq ke dar ke wafa-dar hain hum bhi tum bhi

faslon se na ghaTi dil ki hararat koi

ek jazbe ke taraf-dar hain hum bhi tum bhi

log samjhen ki na samjhen ye ta'alluq apna

ek KHamoshi ke izhaar hain hum bhi tum bhi

'umr guzri hai isi chah main bechain magar

ek ummid ke bimar hain hum bhi tum bhi

dard aankhon mein chhupa lete hain 'ambar' apna

aisa lagta hai adakar hain hum bhi tum bhi