daman mein mere kuchh bhi nahin hai bacha hua

dāman meñ mere kuchh bhī nahīñ hai bachā huā

aayā huuñ tere paas meñ yaksar luTā huā

phir us ke baa'd apnī sahar hī nahīñ huī

mujh se judā ik aa.ina vaqt-e-'ishā huā

mahfil meñ kis kā husn-e-haqīqī 'ayāñ hai aaj

kis ke liye hai farsh-e-zamarrud bichhā huā

roz-e-azal se aaj talak dil ke vast meñ

paiham hai tere hijr kā ḳhanjar gaḌā huā

ye jis ko aaj vasl se tā'bīr karte haiñ

maiñ ne ye zā.iqa hai azal se chakhā huā

lahroñ kī be-niyāzī kā manzar 'ajīb thā

dekhā hai us nigāh kā dariyā chaḌhā huā

merā to jism chaaT ga.ī hai vabā-e-hijr

lekin tumhāre saath ye kyā sāniha huā

ab mujh ko tū navāz yā rad kar saḳhī mire

tere hī haath meñ hai muqaddar likhā huā

daman mein mere kuchh bhi nahin hai bacha hua

aaya hun tere pas mein yaksar luTa hua

phir us ke ba'd apni sahar hi nahin hui

mujh se juda ek aaina waqt-e-'isha hua

mahfil mein kis ka husn-e-haqiqi 'ayan hai aaj

kis ke liye hai farsh-e-zamarrud bichha hua

roz-e-azal se aaj talak dil ke wast mein

paiham hai tere hijr ka KHanjar gaDa hua

ye jis ko aaj wasl se ta'bir karte hain

main ne ye zaiqa hai azal se chakha hua

lahron ki be-niyazi ka manzar 'ajib tha

dekha hai us nigah ka dariya chaDha hua

mera to jism chaT gai hai waba-e-hijr

lekin tumhaare sath ye kya saniha hua

ab mujh ko tu nawaz ya rad kar saKHi mere

tere hi hath mein hai muqaddar likha hua