ba-nam-e-ishq ba-sad-ehtiram ishq karo

ba-nām-e-'ishq ba-sad-ehtirām 'ishq karo

tumheñ karegā zamāna salām 'ishq karo

bah-rang-e-qais yā farhād kuchh milegā nahīñ

ye 'ishq hogā tumhārā ġhulām 'ishq karo

ki rāh-e-'ishq meñ shāhī-o-khusravī kaisī

banāo 'ishq ko apnā imaam 'ishq karo

ye kis bahīsht-shamā.il kī aarzū hai tumheñ

bahisht-e-jāñ se raho ham-kalām 'ishq karo

shab-e-firāq meñ ronā hai buz-dilī dekho

ridā-e-hijr sī oḌho ye shaam 'ishq karo

vo daur aur thā kachche ghaḌe kā dariyā kā

mohabbatoñ ko karo ab tamām 'ishq karo

uThā.e phirte ho chāhat kā rog āñkhoñ par

jo chāhte ho vafā kā davām 'ishq karo

majāz se hī haqīqat meñ muntaqil hogā

ilāhī 'ishq ko baḳhshe maqām 'ishq karo

maiñ harf-o-she'r kī hurmat bayān kartā huuñ

kabhī suno kahīñ merā kalām 'ishq karo

tumhāre hijr se ḳhushbū tumhārī aatī hai

sunā do sab ko bashar ye payām 'ishq karo

ba-nam-e-'ishq ba-sad-ehtiram 'ishq karo

tumhein karega zamana salam 'ishq karo

bah-rang-e-qais ya farhad kuchh milega nahin

ye 'ishq hoga tumhaara ghulam 'ishq karo

ki rah-e-'ishq mein shahi-o-khusrawi kaisi

banao 'ishq ko apna imam 'ishq karo

ye kis bahisht-shamail ki aarzu hai tumhein

bahisht-e-jaan se raho ham-kalam 'ishq karo

shab-e-firaq mein rona hai buz-dili dekho

rida-e-hijr si oDho ye sham 'ishq karo

wo daur aur tha kachche ghaDe ka dariya ka

mohabbaton ko karo ab tamam 'ishq karo

uThae phirte ho chahat ka rog aankhon par

jo chahte ho wafa ka dawam 'ishq karo

majaz se hi haqiqat mein muntaqil hoga

ilahi 'ishq ko baKHshe maqam 'ishq karo

main harf-o-she'r ki hurmat bayan karta hun

kabhi suno kahin mera kalam 'ishq karo

tumhaare hijr se KHushbu tumhaari aati hai

suna do sab ko bashar ye payam 'ishq karo