mile hain zaKHm jo dil ko gulab kya dete

mile haiñ zaḳhm jo dil ko gulāb kyā dete

ujaaḌ dasht ko resham kā ḳhvāb kyā dete

jo tīrgī kī hadoñ meñ khaḌā rahā ḳhud hī

ham aise shaḳhs ko phir māhtāb kyā dete

nichoḌ laa.e haiñ āñkhoñ se 'umr bhar kā malāl

ab is se baḌh ke tumheñ ham sharāb kyā dete

hamāre paas bachī thī faqat hamārī anā

to aur is ke 'alāva janāb kyā dete

kitāb-e-zīst ke aurāq the sabhī ḳhālī

tumhāre naam kā ham intisāb kyā dete

ḳharīd laa.e the bāzār-e-misr se ḳhud ko

tumheñ ham apnī vafā kā hisāb kyā dete

hamārī bazm ke manzar hī jab hue ḳhāmosh

kisī pukār kā koī javāb kyā dete

the ḳhud hī pyaas ke sahrā meñ ham to gum ai 'ḳhumār'

kisī ko jhiil kā ham phir sarāb kyā dete

mile hain zaKHm jo dil ko gulab kya dete

ujaD dasht ko resham ka KHwab kya dete

jo tirgi ki hadon mein khaDa raha KHud hi

hum aise shaKHs ko phir mahtab kya dete

nichoD lae hain aankhon se 'umr bhar ka malal

ab is se baDh ke tumhein hum sharab kya dete

hamare pas bachi thi faqat hamari ana

to aur is ke 'alawa janab kya dete

kitab-e-zist ke auraq the sabhi KHali

tumhaare nam ka hum intisab kya dete

KHarid lae the bazar-e-misr se KHud ko

tumhein hum apni wafa ka hisab kya dete

hamari bazm ke manzar hi jab hue KHamosh

kisi pukar ka koi jawab kya dete

the KHud hi pyas ke sahra mein hum to gum ai 'KHumar'

kisi ko jhil ka hum phir sarab kya dete