hamari jaan se nikle hai dam aahista-ahista

hamārī jaan se nikle hai dam āhista-āhista

tumhārī samt uThte haiñ qadam āhista-āhista

bayāñ kaise karūñgā dil kī vīrānī ko ġhazloñ meñ

maiñ mar jā.ūñgā tere bin qasam āhista-āhista

maiñ āñkheñ pher lūñgā aur rasta bhī badal dūñgā

so TūTegā tumhārā bhī bharam āhista-āhista

kabhī bārish ke mausam meñ kisī vīrān Dhābe par

laTeñ suljhā.ūñgā terī sanam āhista-āhista

ye banjar dil bhī hogā ek din zarḳhez mumkin hai

baras hī jā.egā abr-e-karam āhista-āhista

ye dīmak kī tarah ik din mujhe khā jā.egī 'mushtāq'

jo baḌhtī jā rahī hai bel-e-ġham āhista-āhista

hamari jaan se nikle hai dam aahista-ahista

tumhaari samt uThte hain qadam aahista-ahista

bayan kaise karunga dil ki virani ko ghazlon mein

main mar jaunga tere bin qasam aahista-ahista

main aankhen pher lunga aur rasta bhi badal dunga

so TuTega tumhaara bhi bharam aahista-ahista

kabhi barish ke mausam mein kisi viran Dhabe par

laTen suljhaunga teri sanam aahista-ahista

ye banjar dil bhi hoga ek din zarKHez mumkin hai

baras hi jaega abr-e-karam aahista-ahista

ye dimak ki tarah ek din mujhe kha jaegi 'mushtaq'

jo baDhti ja rahi hai bel-e-gham aahista-ahista