ek muddat se tamannaon ki virani mein hun

ek muddat se tamannāoñ kī vīrānī meñ huuñ

mujh ko kyā terī ḳhabar maiñ ḳhud pareshānī meñ huuñ

kaan rakhtā hai to sun aa kar mujhe tanhā.ī meñ

dāstān-e-ārzū huuñ aañkh ke paanī meñ huuñ

shāḳh huuñ lekin koī patta nahīñ hai jism par

ai havā-e-surḳh aa le jā ki 'uryānī meñ huuñ

ā.inoñ ke darmiyāñ rahtī thī merī zindagī

aaj un se duur ho kar bhī maiñ hairānī meñ huuñ

kis liye bedār rakhtā huuñ maiñ apne aap ko

ai gaye lamhe batā maiñ kis pashemānī meñ huuñ

zehn meñ rahtī haiñ phir kyuuñ ḳhauf kī parchhā.iyāñ

maiñ agar 'āsif' kisī ġham kī nigahbānī meñ huuñ

ek muddat se tamannaon ki virani mein hun

mujh ko kya teri KHabar main KHud pareshani mein hun

kan rakhta hai to sun aa kar mujhe tanhai mein

dastan-e-arzu hun aankh ke pani mein hun

shaKH hun lekin koi patta nahin hai jism par

ai hawa-e-surKH aa le ja ki 'uryani mein hun

aainon ke darmiyan rahti thi meri zindagi

aaj un se dur ho kar bhi main hairani mein hun

kis liye bedar rakhta hun main apne aap ko

ai gaye lamhe bata main kis pashemani mein hun

zehn mein rahti hain phir kyun KHauf ki parchhaiyan

main agar 'asif' kisi gham ki nigahbani mein hun