Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

konplen phir phuT aain shaKH par kahna use

Farhat Shahzad

konplen phir phuT aain shaKH par kahna use

Farhat Shahzad

MORE BYFarhat Shahzad

    koñpleñ phir phuuT aa.iiñ shāḳh par kahnā use

    vo na samjhā hai na samjhegā magar kahnā use

    vaqt kā tūfān har ik shai bahā kar le gayā

    kitnī tanhā ho ga.ī hai rah-guzar kahnā use

    sar-bulandī kī qasam khāte the jis kī do jahāñ

    jhuk gayā hai aaj vo maġhrūr sar kahnā use

    raah meñ terī ghaḌī bhar kī rafāqat ke liye

    jal rahā hai dhuup meñ pāgal shajar kahnā use

    jagmagā uTThe the terī zulf ke saa.e se jo

    muntazir haiñ aaj phir vo bām-o-dar kahnā use

    ris rahā ho ḳhuun dil se lab magar hañste rahe

    kar gayā barbād mujh ko ye hunar kahnā use

    ham-safar kī raah meñ tanhā safar karte hue

    aa gayā hai ḳhatm hone ko safar kahnā use

    taal par vahshat kī hoñ vīrāniyāñ raqsāñ jahāñ

    muuñd kar 'shahzād' āñkheñ merā ghar kahnā use

    jis ne zaḳhmoñ se mirā 'shahzād' siina bhar diyā

    muskurā kar aaj pyāre chāra-gar kahnā use

    konplen phir phuT aain shaKH par kahna use

    wo na samjha hai na samjhega magar kahna use

    waqt ka tufan har ek shai baha kar le gaya

    kitni tanha ho gai hai rah-guzar kahna use

    sar-bulandi ki qasam khate the jis ki do jahan

    jhuk gaya hai aaj wo maghrur sar kahna use

    rah mein teri ghaDi bhar ki rafaqat ke liye

    jal raha hai dhup mein pagal shajar kahna use

    jagmaga uTThe the teri zulf ke sae se jo

    muntazir hain aaj phir wo baam-o-dar kahna use

    ris raha ho KHun dil se lab magar hanste rahe

    kar gaya barbaad mujh ko ye hunar kahna use

    ham-safar ki rah mein tanha safar karte hue

    aa gaya hai KHatm hone ko safar kahna use

    tal par wahshat ki hon viraniyan raqsan jahan

    mund kar 'shahzad' aankhen mera ghar kahna use

    jis ne zaKHmon se mera 'shahzad' sina bhar diya

    muskura kar aaj pyare chaara-gar kahna use

    Source :

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now