tumne khoya hi nahin kuchh bhi tumhaara kya hai

tum ne khoyā hī nahīñ kuchh bhī tumhārā kyā hai

is ḳhasāre se baḌā aur ḳhasārā kyā hai

ek ummīd sī hai aur sahārā kyā hai

tere hijrāñ meñ binā sabr ke chāra kyā hai

tere hāthoñ se sañvarne kī tamannā thī mujhe

sab bigāḌā hai mirā tum ne sañvārā kyā hai

jabr kī dhuup meñ sach bol ke dekho to sahī

ḳhauf ke saa.e meñ jiine kā nazāra kyā hai

bhūke bachchoñ ko khilaunoñ se bhī Dar lagtā hai

peT ḳhālī ho to phir chāñd sitārā kyā hai

maiñ nahīñ huuñ to anāoñ ke añdhere kyuuñ haiñ

gar ḳhudā hai to yahāñ merā ijāra kyā hai

tere aane se mahak uThtī hai dil kī duniyā

varna is dasht-e-tamannā meñ hamārā kyā hai

tum ho tairāk bhalā kaise samajh pāoge

Dūbne vaale se pūchho ki kināra kyā hai

tū jo mil jaa.e to qismat kā sitāra chamke

tere hote hue qismat kā sitāra kyā hai

dekh kar jaan le hastī ke 'ajā.ib 'faisal'

ḳhāliq-e-arz-o-samā kā ye ishāra kyā hai

tum ne khoya hi nahin kuchh bhi tumhaara kya hai

is KHasare se baDa aur KHasara kya hai

ek ummid si hai aur sahaara kya hai

tere hijran mein bina sabr ke chaara kya hai

tere hathon se sanwarne ki tamanna thi mujhe

sab bigaDa hai mera tum ne sanwara kya hai

jabr ki dhup mein sach bol ke dekho to sahi

KHauf ke sae mein jine ka nazara kya hai

bhuke bachchon ko khilaunon se bhi Dar lagta hai

peT KHali ho to phir chand sitara kya hai

main nahin hun to anaon ke andhere kyun hain

gar KHuda hai to yahan mera ijara kya hai

tere aane se mahak uThti hai dil ki duniya

warna is dasht-e-tamanna mein hamara kya hai

tum ho tairak bhala kaise samajh paoge

Dubne wale se puchho ki kinara kya hai

tu jo mil jae to qismat ka sitara chamke

tere hote hue qismat ka sitara kya hai

dekh kar jaan le hasti ke 'ajaib 'faisal'

KHaliq-e-arz-o-sama ka ye ishaara kya hai