pareshani hamari kam nahin hai
pareshānī hamārī kam nahīñ hai
agarche fursat-e-mātam nahīñ hai
hamārā ek hī hai āstāna
ye jumla saaf hai mub.ham nahīñ hai
ham āñkhoñ se zamāna dekhte haiñ
hamāre paas jām-e-jam nahīñ hai
tamām 'ālam ho jis ke zer-e-sāya
tumhāre paas vo parcham nahīñ hai
abhī se aap ghabrāne lage haiñ
abhī to aañkh bhī pur-nam nahīñ hai
milegī ham ko bhī manzil hamārī
irāda ġhair-mustahkam nahīñ hai
sivā.e is ke jis ne dil jalāyā
kisī ke paas bhī marham nahīñ hai
añdherā duur ho jā.egā 'aḳhtar'
charāġh-e-'ishq ab maddham nahīñ hai
pareshani hamari kam nahin hai
agarche fursat-e-matam nahin hai
hamara ek hi hai aastana
ye jumla saf hai mubham nahin hai
hum aankhon se zamana dekhte hain
hamare pas jam-e-jam nahin hai
tamam 'alam ho jis ke zer-e-saya
tumhaare pas wo parcham nahin hai
abhi se aap ghabrane lage hain
abhi to aankh bhi pur-nam nahin hai
milegi hum ko bhi manzil hamari
irada ghair-mustahkam nahin hai
siwae is ke jis ne dil jalaya
kisi ke pas bhi marham nahin hai
andhera dur ho jaega 'aKHtar'
charagh-e-'ishq ab maddham nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
