gham-zada hai fasana mera
ġham-zada hai fasāna mirā
jal chukā āshiyāna mirā
un se ummīd aisī na thī
luuT leñge ḳhazāna mirā
is jahāñ ko gavāra na thā
un ke ghar ānā-jānā mirā
ro rahā hai tū ab kis liye
tab to kahnā na maanā mirā
aaj kal merā dushman hai jo
dost hai ik purānā mirā
mujh ko sadiyoñ rulātā rahā
ek pal muskurānā mirā
raas duniyā ko aayā nahīñ
khul ke hañsnā-hañsānā mirā
lag rahā hai tire shahr se
uTh gayā āb-o-dāna merā
'ishq ke pher meñ tū na paḌ
mujh se kahtā thā naanā mirā
ai 'kabīrā' mire baa'd bhī
jag rahegā divānā mirā
gham-zada hai fasana mera
jal chuka aashiyana mera
un se ummid aisi na thi
luT lenge KHazana mera
is jahan ko gawara na tha
un ke ghar aana-jaana mera
ro raha hai tu ab kis liye
tab to kahna na mana mera
aaj kal mera dushman hai jo
dost hai ek purana mera
mujh ko sadiyon rulata raha
ek pal muskurana mera
ras duniya ko aaya nahin
khul ke hansna-hansana mera
lag raha hai tere shahr se
uTh gaya aab-o-dana mera
'ishq ke pher mein tu na paD
mujh se kahta tha nana mera
ai 'kabira' mere ba'd bhi
jag rahega diwana mera
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
