ek hi din mein kai bar bhi ho sakta hai

ek hī din meñ ka.ī baar bhī ho saktā hai

milnā-julnā to lagātār bhī ho saktā hai

hote hote ye chamatkār bhī ho saktā hai

tū mire 'ishq meñ bīmār bhī ho saktā hai

is mohabbat meñ tirī jaan bhī jā saktī hai

aur aise meñ tujhe pyaar bhī ho saktā hai

tum jo untīsvīñ shab ghar se nikal aa.e ho

sub.h kal 'iid kā tyauhār bhī ho saktā hai

mas.ala ye hai ijāzat hī nahīñ hai varna

tū mirā mālik-o-muḳhtār bhī ho saktā hai

us se kahnā vo ta'alluq ko abhī toḌe nahīñ

sāmne vaalā vafā-dār bhī ho saktā hai

ek hi din mein kai bar bhi ho sakta hai

milna-julna to lagatar bhi ho sakta hai

hote hote ye chamatkar bhi ho sakta hai

tu mere 'ishq mein bimar bhi ho sakta hai

is mohabbat mein teri jaan bhi ja sakti hai

aur aise mein tujhe pyar bhi ho sakta hai

tum jo untiswin shab ghar se nikal aae ho

subh kal 'id ka tyauhaar bhi ho sakta hai

masala ye hai ijazat hi nahin hai warna

tu mera malik-o-muKHtar bhi ho sakta hai

us se kahna wo ta'alluq ko abhi toDe nahin

samne wala wafa-dar bhi ho sakta hai