dil ki duniya teri yaadon se saja sakta hun

dil kī duniyā tirī yādoñ se sajā saktā huuñ

maiñ tire hijr ko kamzor banā saktā huuñ

muddatoñ baa'd ye ehsās huā hai mujh ko

maiñ tirī jhiil sī āñkhoñ meñ samā saktā huuñ

dil ke sunsān darīchoñ meñ tirī yādoñ ko

maiñ charāġhoñ kī tarah phir se jalā saktā huuñ

terī ḳhushbū mirī sāñsoñ meñ basī hai ab tak

chaah kar bhī na tujhe yaar bhulā saktā huuñ

tū jo mil jaa.e to phir aur bhalā kyā māñgūñ

apnī qismat ko maiñ hāthoñ se sajā saktā huuñ

log kahte haiñ mohabbat meñ faqat dard mile

maiñ tire 'ishq meñ har zaḳhm miTā saktā huuñ

vo nahīñ paas magar saath haiñ yādeñ us kī

maiñ taḳhayyul meñ use paas bulā saktā huuñ

dil ki duniya teri yaadon se saja sakta hun

main tere hijr ko kamzor bana sakta hun

muddaton ba'd ye ehsas hua hai mujh ko

main teri jhil si aankhon mein sama sakta hun

dil ke sunsan darichon mein teri yaadon ko

main charaghon ki tarah phir se jala sakta hun

teri KHushbu meri sanson mein basi hai ab tak

chah kar bhi na tujhe yar bhula sakta hun

tu jo mil jae to phir aur bhala kya mangun

apni qismat ko main hathon se saja sakta hun

log kahte hain mohabbat mein faqat dard mile

main tere 'ishq mein har zaKHm miTa sakta hun

wo nahin pas magar sath hain yaaden us ki

main taKHayyul mein use pas bula sakta hun