aankh mein ye jo KHwab adhura rakkha hai

aañkh meñ ye jo ḳhvāb adhūrā rakkhā hai

is ne mujh ko ab tak zinda rakkhā hai

sab kī nazreñ mujh par aa kar Thahrī haiñ

maiñ ne ḳhud par itnā parda rakkhā hai

ḳhud se terī bāteñ kartā rahtā huuñ

maiñ ne tujh ko aise zinda rakkhā hai

peḌ se gir kar phal paude ho jaate haiñ

yā'nī khone meñ bhī paanā rakkhā hai

ḳhvāb talak meñ ab to dariyā aate haiñ

pyaas ne mujh ko itnā uljhā rakkhā hai

jaal ke khaTke ne hī ab tak panchhī ko

daana hone par bhī bhūkā rakkhā hai

roz simaTne kā Dar rahtā hai mujh ko

maiñ ne ḳhud ko itnā phailā rakkhā hai

saarī 'azmat paanī hī kī hai varna

sahrā ke uupar hī dariyā rakkhā hai

aankh mein ye jo KHwab adhura rakkha hai

is ne mujh ko ab tak zinda rakkha hai

sab ki nazren mujh par aa kar Thahri hain

main ne KHud par itna parda rakkha hai

KHud se teri baaten karta rahta hun

main ne tujh ko aise zinda rakkha hai

peD se gir kar phal paude ho jate hain

ya'ni khone mein bhi pana rakkha hai

KHwab talak mein ab to dariya aate hain

pyas ne mujh ko itna uljha rakkha hai

jal ke khaTke ne hi ab tak panchhi ko

dana hone par bhi bhuka rakkha hai

roz simaTne ka Dar rahta hai mujh ko

main ne KHud ko itna phaila rakkha hai

sari 'azmat pani hi ki hai warna

sahra ke upar hi dariya rakkha hai