umid-o-bim ke mehwar se haT ke dekhte hain
umīd-o-bīm ke mehvar se haT ke dekhte haiñ
zarā sī der ko duniyā se kaT ke dekhte haiñ
bikhar chuke haiñ bahut baaġh o dasht o dariyā meñ
ab apne hujra-e-jāñ meñ simaT ke dekhte haiñ
tamām ḳhāna-ba-doshoñ meñ mushtarak hai ye baat
sab apne apne gharoñ ko palaT ke dekhte haiñ
phir is ke ba.ad jo honā hai ho rahe sar-e-dast
bisāt-e-āfiyat-e-jāñ ulaT ke dekhte haiñ
vahī hai ḳhvāb jise mil ke sab ne dekhā thā
ab apne apne qabīloñ meñ baT ke dekhte haiñ
sunā ye hai ki subuk ho chalī hai qīmat-e-harf
so ham bhī ab qad-o-qāmat meñ ghaT ke dekhte haiñ
umid-o-bim ke mehwar se haT ke dekhte hain
zara si der ko duniya se kaT ke dekhte hain
bikhar chuke hain bahut bagh o dasht o dariya mein
ab apne hujra-e-jaan mein simaT ke dekhte hain
tamam KHana-ba-doshon mein mushtarak hai ye baat
sab apne apne gharon ko palaT ke dekhte hain
phir is ke baad jo hona hai ho rahe sar-e-dast
bisat-e-afiyat-e-jaan ulaT ke dekhte hain
wahi hai KHwab jise mil ke sab ne dekha tha
ab apne apne qabilon mein baT ke dekhte hain
suna ye hai ki subuk ho chali hai qimat-e-harf
so hum bhi ab qad-o-qamat mein ghaT ke dekhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
