tumhaari yaad mein har zarra-e-dil dil nazar aaya

tumhārī yaad meñ har zarra-e-dil dil nazar aayā

sukūn-e-dil kā milnā ab baḌā mushkil nazar aayā

tavāf-e-kū-e-jānāñ ziist kā hāsil nazar aayā

miTe us sang-e-dar par sar isī qābil nazar aayā

talātum-ḳhez tūfānoñ se Takrāte rahe har dam

Dubo dī ham ne ḳhud kashtī jūñ-hī sāhil nazar aayā

nigāh-e-nāz ke jalvoñ kī rā'nā.ī ma'āz-allāh

koī bismil nazar aayā koī ghā.il nazar aayā

jabīn-e-shauq ne ḳhud āstān-e-husn ko DhūñDā

kamāl-e-husn se hī 'ishq hai kāmil nazar aayā

tumhārī aañkh se dekhā tumheñ to uTh gayā parda

hamārī aañkh ko jalva tirā haa.il nazar aayā

nizām-e-maikada 'vāsif' badalne ke qarīb aayā

añdherī raat meñ ham ko mah-e-kāmil nazar aayā

tumhaari yaad mein har zarra-e-dil dil nazar aaya

sukun-e-dil ka milna ab baDa mushkil nazar aaya

tawaf-e-ku-e-jaanan zist ka hasil nazar aaya

miTe us sang-e-dar par sar isi qabil nazar aaya

talatum-KHez tufanon se Takraate rahe har dam

Dubo di hum ne KHud kashti jun-hi sahil nazar aaya

nigah-e-naz ke jalwon ki ra'nai ma'az-allah

koi bismil nazar aaya koi ghail nazar aaya

jabin-e-shauq ne KHud aastan-e-husn ko DhunDa

kamal-e-husn se hi 'ishq hai kaamil nazar aaya

tumhaari aankh se dekha tumhein to uTh gaya parda

hamari aankh ko jalwa tera hail nazar aaya

nizam-e-maikada 'wasif' badalne ke qarib aaya

andheri raat mein hum ko mah-e-kaamil nazar aaya